Narsapur Writers (Naveenn)

ప్రకృతి కి కృతి ఉంది
సంస్కృతి ఉంది
వీచే గాలికి లయఉంది
ప్రకృతి తన అందాలను
ఎందుకో దాచే ఉంచుతుంది
చినుకై నేలపై జారేముందు
నల్లటి కరిమబ్బులా ,
ఆకాశాన్ని చుట్టేసిన
సప్తవర్ణపు విల్లులా
ఆకు చాటు పిందెగా
విచ్చుకొని  మొగ్గలా
పూలుగా ,పండ్లుగా ,కనువిందుగా
ఆనందాలను పంచుతుంది
ప్రకృతి విధ్వంసకారి కాదు
కోటానుకోట్ల జీవనానికి
దోహదకారి ,సర్వోపకారి
మనిషే మనసు చెడి
ప్రకృతి ధ్వంసరచనకీ
తాపత్రయమంతా
జీవకోటి  మనుగడ
 ప్రశ్నార్థకమయ్యేంత ?

by
*Naveenn*
01-OCT-2018